स्वागत आहे आपले श्री स्वामी समर्थ अन्नछत्र मंडळ ट्रस्ट,अक्कलकोट अधिकृत संकेतस्थळावर.

स्वामी समर्थ वाटिका व बालोद्यान खास परगावहून येणाऱ्या स्वामी भक्तांसाठी एक विरंगुळ्याचे व आकर्षणाचे ठिकाण म्हणून त्याची निर्मिती करण्यात आलेली आहे. लहान मुलांसाठी खास खेळणी मागवलेली आहेत. तसेच नानाविध जंगली प्राण्याचे पुतळे बसविण्यात आलेले आहे. तसेच भाविकांना सकाळी फिरण्यासाठी जॉगिंग ट्रॅक ची निर्मिती हि करण्यात आलेले आहे.

या प्रदर्शनामध्ये छत्रपती शिवाजी महाराजांच्या जीवन चत्रीत्रावरील महत्वाच्या व ठळक घटनांच्या धातू चित्रांचा समावेश आहे. सदरची चित्रे एकूण ८१ चित्रे असून हि सर्व चित्रे ताम्रपटावर कोरलेले आहे. सदरचे प्रदर्शन हॉल चे उद्घाटन दिनांक २७ जुलै २०१८ गुरु पौर्णिमेच्या दिवशी झालेले असून त्याचे लोकार्पण करण्यात आले आहे.

गानसाम्राज्ञी लता मंगेशकरांनी अन्नछत्रात शिवस्मारक उभे राहावे अशी इच्छा प्रकट केली होती. मा. श्री. बाबासाहेब पुरंदरे यांच्या मार्गदर्शना खाली अन्नछत्रात भव्य अश्या शिवस्मारक (गड किल्ले सृष्टी) ची निर्मिती मा.श्री.जन्मेजयराजे विजयसिंहराजे भोसले यांनी केली. इतिहासाचे स्मरण करून देणारी हि शिवसृष्टी अन्नछत्रा च्या विविध उपक्रमातील आणि अन्नछत्राच्या नेत्रदीपक वाटचालीतील एक मैलाचा दगड ठरत आहे.

अन्नछत्राचे भाविक आल्यावर त्यांना संपूर्ण परिसरात भक्तिमय आणि अध्यात्मिक वातावरणाची प्रचीती येते. महाराष्ट्राचे आराध्य दैवत छत्रपती शिवाजी महाराज ह्यांची मूर्ती ह्या वातावरणामध्ये शोभायमान आहे.

अन्नछत्राचे भाविक आल्यावर त्यांना संपूर्ण परिसरात भक्तिमय आणि अध्यात्मिक वातावरणाची प्रचीती येते. ३० फुटाची भव्य स्वामी महाराजांची उभी मूर्ती, वडाच्या झाडाखाली असलेली त्यांची वात्सल्य मूर्ती, कपिला गाय, आणि त्या सोबत महाराष्ट्राचे आराध्य दैवत शिवाजी महाराज ह्यांची मूर्ती ह्या सगळ्या गोष्टींमुळे परिसर सदैव चैतन्यमय आणि उर्जायुक्त असतो.

अन्न हे परब्रम्ह आहे ! अन्नदान सर्व श्रेष्ठ दान... असे म्हटले आहे. त्यामुळे अन्नदानाची व्याप्तीही खुप मोठी आहे. अन्नाची गरज ही या भुतलावरील मानवासहीत सर्व प्राणीमाञांना आहे. अन्नग्रहणाने क्षुधा शमतेलअन्नामधे साक्षात र्इश्वराचा वास असतो, त्यामुळे हया महाप्रसादरूपी अन्न सेवनाने मनुष्य तॄप्त होतो. एकप्रकारचे मानसिक समाधान मिळते.सध्या या अन्नछत्रात दररोज दोन्ही वेळेस १५००० च्या वर परगांवचे स्वामी भक्त या महाप्रसादाचा लाभ घेतात.

अन्नदानाच्या माध्यामातून होत असलेल्या स्वामीकार्यात आपलेही योगदान असावे यासाठी परगांवाहून येणाऱ्या हजारो स्वामीभक्तांच्या महाप्रसादाची व त्यांच्या निवासाच्या व्यवस्थेकरिता आणि श्री स्वामी समर्थांचे पवित्र स्वामीकार्य अखंडीत व अविरतपणे सुरु असावे ह्या करिता स्वामी भक्तांनी अन्नदान व बांधकाम सेवेत मनापासून सहभागी व्हावे हि नम्र विनंती.